Saturday 26 May, 2018

2 hoben detené den kaso tiramentu di damita di 13 aña den Brievengat

(Foto,file)

(Foto,file)

Djasabra 3 febrüari 2018 alrededor di 20.17 or sentral di polis a haña notifikashon ku tin un kaso di tiroteo a tuma lugá den e área di Brievengat i ku tin un hobensita heridá. Na yegada di e promé patruya polisial nan a bin topa ku un hobensita di diestres(13) aña drumí ku un herida di bala patras di su orea.

Kontinuando ku investigashon den e kaso aki, diferente akshonnan investigativo a tuma lugá den e kaso aki. En konekshon ku esaki(nan), awe djaweps 8 febrüari 2018, e tim investigadó di polis a detené 2 hóben komo (ko)sospechoso den e kaso aki:

  • R.R.E. nasé na Kòrsou, 13 aña di edat(detenshon a tuma lugá alrededor di 09.15 or)
  • S.J.J.W.M. nasé na Kòrsou, 15 aña di edat.( detenshon a tuma lugá alrededor di 10.30 or). Ámbos detenshon a tuma lugá na warda di reshèrshi.

E kaso aki ta sigui den investigashon pa determiná e ròl i involvimentu di kada persona den e kaso aki. A presentá e sospechosonan dilanti un Fiskal Ouksiliar ku a ordená nan enkarselamentu pendiente di mas investigashon.