Monday 18 December, 2017

Aksidente ku bastante daño material awe mardugá riba EEG weg

Awe mardugá algu promé ku 5’or outoridatnan a sera e kaminda di EEG weg ku yama awó Helmin Wiels Blvd despues ku un vehíkulo " Hyunday Accent" Shinishi a pèrdè kontrol i bai kibra e rotònde di blòki. E hòmber shofùr den e vehíkulo a keda heridá i pa kual ambulans di FKA mester a bini e sitio pa asina transport’é pa poli. Tim di bomberonan tambe tabata presente pa asina yuda saka e hòmber i alabes basha santu despues ku e vehíkulo a plama kantidat di zeta riba e kaminda. Forensys a bini despues pa raportá e aksidente pa asina kran por a hisa e outo i bai kuné.