Thursday 19 April, 2018

Aksidente na Daniel ku bastante daño material

Tabata djárason anochi ku outoridatnan mester a bai Weg Naar Westpunt altura di Daniel pa atendé ku un aksidente ku vários herido. Un turista den su Nissan a bai lora pa drenta e kaminda pa bai Willibrordus sin paga tinu ku un outo tabata bin ku velosidat haltu den e man kontrali. Konsekuensia di esaki ta un choke enorme  kaminda e Nissan a keda bentá basta leu tur destruí e otro vehíkulo a bai bòltu den mondi. Den e proseso aki, un pekùp tambe a risibí sla dor ku vários opheto dje vehíkulo a kibra i bula mané fli. A pidi Forensys i departamento di polis di tráfiko (VKD) bini pa atendé ke aksidente aki ku a laga basta daño material atras. Ambulans a bini pa transportá 3 hende ku a sali herida pa poli. Download nos App grátis i lesa notisia mas lihé >  Android: http://bit.ly/GetLoopABC | iOS: http://bit.ly/GetiLoopABC