Thursday 18 January, 2018

Aksidente na Zegu: Trùk grandi ku shushi a dal den vehíkulo pone bòltu

Awe mainta algu promé ku mèrdia un trùk grandi ku shushi di un manera òf otro a dal un vehíkulo blanku i a hasi ku esaki kore den skual i bai bòltu den un pida roi pegá ku e kaminda di bai Westpunt no masha leu for di e rotònde di Zegu. E persona den e vehíkulo blanku a keda saká i mirando ku tabatin un dòkter den serkania a hib’e aki einan. Basta daño material a keda atras i kran tabata nesesario pa asina saka e vehíkulo for di e roi.