Thursday 19 October, 2017

Aksidente serio entre outo i skuter na krusada Lagoweg/Punta Cardonweg

Djamars algu promé ku 9’or outoridatnan mester a bai krusada Lagoweg / Punta Cardonweg pa atendé ku un aksidente pisa entre un Skuter i un outo di famia. Di un manera òf otro pa falta di preferensia vehíkulo no a wak e skuter i tabatin un choke enorme. Shofùr dje skuter a dal den banda di e outo pa despues plama su kara den windshield. A pidi 2 ambulans yega e sitio mirando ku e shofùr di e vehíkulo tambe a keda heridá i a transportá nan 2 pa poli. Un mucha tambe su bista a keda afektá i paramediko nan mester a tira un bista riba esaki.