Thursday 19 October, 2017

Aqualectra a stòp di añadí Fluoride na awa di bebe

Aqualectra entrante awe promé di ougùstùs 2017, pa 08:00 mainta, a para e pòmp ku tabata añadí fluoride na nos awa di bebe. Esaki a tuma lugá simultáneamente tantu na e planta na Mundu Nobo komo esun na RO. Sta. Barbara, pues tur 2 planta kaminda ku Aqualectra ta produsí awa di bebe.

E akshon históriko aki, a keda ehekutá despues ku Aqualectra for di 13 mei 1964 tabata inkluí Flouride den e awa di bebe, promé ku e awa drenta e ret di distribushon. Basa riba un karta di Gobièrnu, fecha 20 di aprel 2017, kaminda ku ta pidi Aqualectra pa para e inklushon di Flouride den awa, konseho hurídiko ku Aqualectra a haña a informá Minister pa si e no tin opheshon, pa entrante awe promé di ougùstùs 2017 lo a stòp ku e inklushon di Flouride den awa di bebe na Kòrsou.

E awa ku tin den e tuberia ainda lo tin algu di fluoride pero poko poko e konsentrashon lo bai baha. Segun kalkulashon lo por dura un mas o ménos un siman i mei mas promé ku e awa ta kompletamente liber di fluoride. Aqualectra lo monitoriá esaki i lo informá na momento ku e nivel di flouride den awa ta nihil.