Saturday 26 May, 2018

Artista ku a kometé akto imoral kontra trahadó di hotel ta keda será

Sosopechoso W.A. (41 aña) di Colombia a keda presentá dilanti un Wes-komisario (RC).  Wes-komisario a husga e detenshon komo korekto mientras ku Fiskal di Ministerio Publiko (OM) a ordená seguidamente su detenshon pa 8 dia. Ya kaba e sospechoso tabata será 2 x 24 ora pendiente mas investigashon. Ta trata di un artista ku a bin spesial Kòrsou pa dos toká. Un dama ku ta hasi trabou di limpiesa den un hotel na Jan Thiel a entregá un denunsia di violashon (akto kontra moral) kontra e homber. E akto mester a tuma lugá den wikent tras di lomba den kamber di e hotel.