Saturday 27 May, 2017

Asesinato na altura di Alaska Snek

BREAKING NEWS: Un tiroteo a kaba di tuma lugar den area di Alaska Snek. Loop ABC ta kompilando informashon. Informashon na e sitio ta indiká ku un vehíkulo lo mester a aserka nèt algu promé ku Alaska Snek i kuminsá basha bala riba un grupo di hende. Na e momentu nan aki tin 1 persona morto, 1 otro ku herida di bala na kabes i den situashon hopi kritiko, otro 2 persona a keda transportá pa poliklínika pa risibí tratamentu médiko. Departamento di TOD a kuminsá mesora ku investigashon. 

E informashonnan ta varia. Un otro vershon di un testigu na e sitio ta ku 3 hòmber, na pia lo a aserká e hòmbernan i lòs tiru dirigí. Probablemente nan lo tabata tin un outo den besindario ku lo a sirbi komo ‘get away car’. 

UPDATE 18/03/17: Polis a konfirmá ku tur 4 víktima di tiroteo a muri konsekuensia di e heridanan risibí. Loop News ABC ta keda pendiente un rapòrt ofisial di polis. Pas na nan alma i forsa na famianan.