Tuesday 17 July, 2018

Bo famia meresé e mihó ‘Easter Brunch’ na Kòrsou

Renaissance Curaçao Resort & Casino ta klá pa selebrá un otro Pasku Grandi huntu ku pueblo di Kòrsou. E aña aki, debí na asina tantu petishon lo bolbe ofresé dos diferente opshon pa e Easter Brunch. Meskos ku añanan anterior Renaissance Curaçao Resort ta invitábo pa hasi reservashon trempan pa huntu ku bo famia bo sigurá un lugá pa djadumingu dia 1 di aprel próksimo, entre 12’or di mèrdia i 3’or di atardi.

Ban selebrá!

No tin nada mas bunita ku sinta na mesa huntu den famia. Pa djadumingu promé di aprel próksimo Renaissance Curaçao Resort a prepará un dia yen di sorpresa pa tur ku disfrutá di nan ‘Easter Brunch’. E aña aki tambe a kombin’é ku entretenimento bibu, un skina di obra di man i un wega spesialmente pa e muchanan ku e ‘Easter Bunny’. E aktividatnan pa mucha lo ta entre 12’or i 3’or di atardi. Parti ariba na Infinity Beach, lo tin un buskament’i webu pa mucha entre 2’or i 2:30 di mèrdia. Ademas, muchanan tin oportunidat di saka potrèt ku e ‘Easter Bunny’ miéntras e ‘Easter Brunch’ na Nautilus i Atrium ta tumando lugá.

Dos Opshon; tur dos ta mesun bon!

E tim kulinario di Nautilus i Atrium a prepará un menú variá konsistiendo di kuminda lokal i internashonal. Un brunch buffet sabroso ku vários ‘stations’ manera pasta, seafood, e famoso ‘carving station’ anto sin lubidá riba e ‘dessert’. Skohe unda bo ke sinta ku bo famia, sea ta na Nautilus òf den Atrium Ballroom. Un kos sí; reservá trempan!  Pa tur ku disfrutá di brunch den Nautilus lo tin músika bibu di Gilmar Fraites i den Atrium lo tin presentashon di Aisha Lucas & Band.  Renaissance Curaçao Resort su Easter Brunch lo ta únikamente $55 florin pa persona den Nautilus i $65 den Atrium. Preis di e ‘Easter Brunch’, ta inkluí ‘Mimosa’ ilimitá i limonada grátis. Ademas, muchanan di 5 pa 12 aña ta paga mitar preis, miéntras ku mucha bou di 5 aña ta kome grátis! Ta rekomendá pa hasi reservashon na tempu; lugá ta limitá. Pa reservashon por yama 435.5034 òf email nautilus@curacaorenaissance.com.