Monday 18 December, 2017

Boneiru a yama bon bini na barku krusero Mein Schiff 3

Djaluna 27 di novèmber, Boneiru a yama bon bini pa prome biaha na e barku krusero Mein Schiff 3. E barku krusero ta forma parti di e liña TUI Cruises i ta un barku relativamente nobo den nan flota di barku kruseronan. Mein Schiff 3 tin un kapasidat di 25000 pasahero ku un konsepto dirigí nan turistanan ku ta papia aleman, ku ta opta pa eksperensia premium, traha speshal pa e smak aleman. Pa konmemora e prome bishita, tabatin un interkambio di plakat. Kaminda ku direktor di turismo sr. Maurice Adriaens, haven meester sr. Gunther Flanegin, cruise coordinator srta. Xenah Cicilia i port agent sr. Raymond de Jong tabata presente pa duna varios regalo na e kapitan i su tim. Captain Jonas Lyddby tambe a presenta na TCB i havenkantoor ku un plakat di Mein Schiff 3. E tabata hopi kontentu pa uni na su ruman barkunan Mein Schiff 2 i Mein Schiff 5 pa buta Boneiru riba nan itinerario. I ta spera di mira mas di Boneiru, komo ku nan lo bishita Boneiru kada 2 siman