Thursday 19 October, 2017

Detenshon 6 persona: Wardakosta a interseptá diferente bulto di droga

Wardakosta, ta informá ku djaluna a interseptá un boto for di Venezuela ku seis persona abordo i ku tabata transportá droga. Operador di radar di RCC, Rescue and Coordination Center di KWCARIB a detektá den oranan di anochi un kontakto sospechoso na zùit di St. Marie. Ora ku a yega e tripulantenan di e boto a tira dos bulto den lama pero mes ora Wardakosta a saka esakinan for di lama. E boto tipo “Yola”  a keda i hibá na punto di sosten di Wardakostat na Parera. E seis miembronan di tripulashon di e”Yola” a keda detené i entrega na polis ku lo sigui ku investigashon.