Sunday 23 July, 2017

Detenshon di bewaker pa karga arma di kandela ilegal

Polis a detené e hòmber M.A.J.A. nasé na Kòrsou di 43 aña di edat.

Polis a detené e hòmber M.A.J.A. nasé na Kòrsou di 43 aña di edat.

Djaluna 15 di mei 2017, alrededor di 00.40 or, polis a bai duna asistensia na un deurwaarder na momentu ku e tabata ehersé su trabou na un hotèl den área di Otrabanda. Durante di esaki polis a nota ku un bewaker ku ta presta servisio na e hotèl ariba menshoná tabata den posishon di un arma di kandela. E hòmber aki no tabatin e pèrmit nesesario pa por karga un arma di kandela. Na e sitio polis a detené e hòmber M.A.J.A. nasé na Kòrsou di 43 aña di edat pa violashon de Lei di Arma di Kandela, i a konfiská e arma marka Barreta pa mas investigashon. A presentá e sospechoso dilanti un fiskal ouksiliar ku a ordená su enkarselamentu pendiente mas investigashon.