Saturday 26 May, 2018

Detenshon pa ladronisia den un establesimentu den área di Cas Cora

Djamars 15 di mei 2018, alrededor di 02.14 or di marduga, Sentral di Polis a risibí notifikashon di un kaso di ladronisia ku a tuma lugá den un establesimentu den área di Cas Cora. Na yegada Polis a bin topa ku un vehikulo (Van) stashoná na e establesimentu, na momento ku e dos (2) hòmbernan a tuma nota di polis un (1) di e hòmbernan a kore bai. For di un investigashon ku polis a hasi na e sitio a resultá ku e hòmbernan a kòrta waya di e establesimentu i a hòrta un algun palet. Na e sitio polis a detené e hòmber B.C.G.B. nasé na Kòrsou di 26 aña di edat, pa e ladronisia ariba menshoná. A presenta e hòmber sospechoso dilanti di un Fiskal ousiliar ku a ordená su enkarselashon pa mas investigashon.