Friday 17 November, 2017

Detenshon pa ladronisia den un kas na Mahuma

A detene un hoben 19 i otro di 25 aña di edat, ámbos nasé na Kòrsou.

A detene un hoben 19 i otro di 25 aña di edat, ámbos nasé na Kòrsou.

Djaweps 18 di mei 2017, alrededor di 13.45 or, Sentral di Polis a risibí yamada di un kaso di ladronisia ku ta tumando lugá na un kas na Mahuma. Mesora a dirigí un unidat na e sitio. Na yegada di e patruya na e sitio e dos sospechosonan a nota esaki i a sali kore. E agentenan a start ku un persiguishon tras di e sospechosonan i a logra detené nan. Durante di nan persiguishon e agentenan a hasi uso di nan arma reglamentario i los un tiru di atvertensia.

Ta trata di e dos hòmbernan sospechoso:

· T.R.G.H.J. di 19 aña di edat i

· V.W. di 25 aña di edat, ámbos nasé na Kòrsou.

E duo a keda presentá dilanti di un fiskal ouksiliar ku a ordená nan enkarselamentu pa mas investigashon.