Saturday 27 May, 2017

Digicel ta gradisí komunidat di Boneiru pa nan partisipashon na Special Olympic Walk-A-Thon

Digicel ta kontentu di un bes mas por a forma parti di otro tremendo inisiativa. Djadumingu último a tuma lugá e Special Olympic Walk-A-Thon.  Tur aña di nobo Special Olympics ta organisá e aktividat pa rekoudá fondo pa yuda nan kubri aktividatnan sosial i deportivo pa e atletanan spesial, i nan por konta ku sosten di Digicel.

Ademas di un patrosinio anual, Digicel ta un partner di Special Olympics den tur merkado den kual nan ta operá hasiendo posibel ku atletanan spesial por partisipá na diferente enkuentro internashonal. For di apertura na Boneiru, Fundashon Special Olympics por a konta ku sosten di Digicel. Djadumingu último hopi tabata esnan ku partisipá na e Walk-A-Thon ku a bai kombiná ku partisipantenan riba baiskel. Digicel ta masha orguyoso di por a sostené Special Olympics Bonaire un bes mas den otro aktividat ku a resultá masha eksitoso. Un gratitut ta bai na tur partisipante ku djadumingu último a partisipá aktivamente na e evento i tambe na El Mundo Restaurant i Subway pa nan sosten na e aktividat.  

Riba foto un impreshon di e aktividat di djadumingu último.