Thursday 18 January, 2018

Entrada hudisial den kaso “Caldera”

Dia 9 di yanüari 2018 a tene un entrada hudisial den kuadro di un investigashon yamá “Caldera”. E entrada hudisial a keda ehekutá pa Recherche Samenwerkings Team (RST), Rijksrecherche i den kolaborashon ku Duana BES. E investigashon “Caldera” ta trata di dos kolaboradó di Directie Ruimtelijke Ordening en Beheer (DROB) di Entidat Públiko Boneiru (Openbaar Lichaam Bonaire, OLB) ku a hasi nan mes kulpabel na falsifikashon dokumento i korupshon atministrativo (ambtelijke corruptie).

A tene e entrada hudisial den un kas na Kaya Aavelino Cecilia i den presensia di un Wes-komisario i Fiskal di Ministerio Públiko (OM BES). No a detené niun hende. E tim investigativo ta bai evaluá den transkurso di dianan tur resultado i skucha e testigunan den un fase mas aleu. E sospecho den e investigashon aki ta a base di komportashon ku ta den relashon ku trabounan ku a keda ehersé denter di DROB. DROB tin un funshon públiko i e investigadornan no ta ekskluí ku siudadanonan por a tuma nota di e komportashon sospechoso aki

Señal di komportashon sospechoso por keda entregá na e tim investigador  “Caldera” via telefòn +599 7158614 òf anónimo via telefòn TCI: +5999 6985556.