Tuesday 17 July, 2018

Famia ta pidi pa entregá pertenensia di viktima di aksidente fatal

Den transkurso di djaluna a sirkulá un ‘post’ riba social media den kual un familiar ta pidi pa e persona ku por tin e telefòn di Raïsha Offerman pa entrega esaki. Di akuerdo ku e ‘post’ un persona lo mester a bai ku e víktima su pertenensianan, e.o tas, pòtmòni, telefòn i pasport. Tambe ta manda pidi pa ken ku por tin e ultimo ‘snap’ di Raïsha pa por akudí na un familiar i entrega esaki. Raïsha Offerman a fayesé durante di un aksidente ku a tuma lugá djasabra último riba Winston Churchillweg i tabatin apénas 26 aña di edat. Raïsha tabata úniko yu di su mama. Forsa na famia den e momentu difisil aki. 

E ‘post’ ku a sirkulá riba social media ta aki bou:

Manera mayoria di boso sa, Djasabra 7 di Aprel Raïsha.R.Offerman un hoben kerí pa su famia(nan) i amiga/u (nan) a pèrdè su bida na un manera tragiko. E dia aki, un persona sin eskrupulo i sin rèspèt a kue Raïsha su pertenensia nan ( tas, pòtmòni, Telefòn, Paspoort i mas ) bai kuné. Raïsha su mama kier pa e persona aki pone man na su kurason i sea trese Raïsha su pèrtenensia nan òf entrega esaki na polis ya asina Raïsha su mama por haña e pèrtenensia nan di su UNIKO Yu. E no ta bai pa material, pero Raïsha su pèrtenensia nan aworaki tin emotionele waarde pa e mama. I si unu di boso, tin e lastu snapchat di Raïsha ( kaminda e ta den club ) , manda esaki pa mi via di mi pb. Esaki nan ta e deseonan di Raïsha su mama, mi ta pidi bosnan koperashon i rèspèt pa esaki.