Friday 17 November, 2017

Goisco lo destruí lote di karni ku MEO a duna bèk pa benta

E kambio di temperatura a tacha e kalidat di e karni segun Goisco.

E kambio di temperatura a tacha e kalidat di e karni segun Goisco.

Gerensia di Goisco, ayera nochi despues di e manifestashon a deklará di lo destruí henter e lote di karni di mil sinkushen (1,500) kilo ku e tim Multi Disiplinario di MEO a apartá pa kontrol. Gerensia di Goisco a konfirmá ku awe djaweps 18 di mei lo duna instrukshon na Servisio Veterinario. Goisco ta haña ku no ta responsabel pa konsumí esaki despues ku nan a keda mas ku sinku (5) ora for di frizer durante di e mardugá riba kual e kontrol a tuma lugá.  E kambio di temperatura a tacha e kalidat di e karni segun Goisco. Entrante awe Goisco lo yena tur su frizernan ku karni fresku manera klientenan a kustumbrá.