Monday 25 June, 2018

Habitantenan ta topa ku kurpa sin bida na Kwartier

Awe djadumingu atardi outoridatnan mester a bai Kwartier despues ku a bin topa un hòmber bentá na suela den un pida hanchi ku ta kondusí na un mondi i tabata morto. E kurpa tabata ya kaba den estado di deskomposishon i tabata difísil un investigashon preliminar. Segun habitantenan ta trata di un persona ku a sali kas for di djárason i no a bin kas mas. Fiskal a pidi pa konfiská e kurpa pa asina hasi outopsia pa wak kiko por a pasa e persona aki.