Thursday 18 January, 2018

Hóben 23 aña di edat detené pa maltrato ku machete

Djawebs 11 di yanüari 2018, alrededor di 11.22 or, polis a hasi detenshon di un hòmber den un kaso di menasa i maltrato ku a tuma lugá for di 23 òktober 2017, na un kas den área di Buena Vista.

Djaluna 23 òktober alrededor di 18.30 or i djamars 24 òktober 2017 den oranan trempan di mainta tabatin un kaso di maltrato i menasa ku a tuma lugá den e área di Buena Vista. Na e okashon aki un hòmber a menasá i maltratá un otro hòmber ku un pida palu. Na yegada di e patruya na e sitio nan a topa ku un hòmber ku ta sufri di un malesa mental bentá abou i tabata keha di hopi doló, i a deklará ku un hòmber a menasé i maltraté.

Djaweps 11 yanüari 2018, alrededor di 11.22 or polis a detené e hòmber G.F.M.C. nasé na Kòrsou di 23 aña di edat, komo sospechoso di e kaso di maltrato ariba menshoná.

Kontinuando ku e investigashon e hòmber G.F.M.C. a deklará ku na kaminda pa bai trabou, e víktima tabata intimidá su kasa. Mas aleu e ta bisa ku e dia enkuestion el a bai na e sitio ku su kasá i a choka e víktima i menasé pa esaki no sosodé mas.

Sinembargo e siguiente dia e víktima a bolbe intimidá e señora i e sospechoso a rabia hopi i a kore tras di e víktima i maltraté ku un machete. A presentá e sospechoso dilanti un Fiskal Ouksiliar ku a ordená su enkarselashon pendiente mas investigashon.