Monday 18 December, 2017

Hòmber detené ku arma di kandela na snèk

(Foto,file)

(Foto,file)

Djárason 11 òktober 2017, alrededor di 18.49 or, Sentral di Polis a risibí notifikashon ku banda di un snèk na Mirla Plateweg tin un hòmber den un vehíkulo kolo pretu ku un arma di kandela den su poder. Tim di Mantenshon di òrdu Públiko ku a yega na e sitio a topa ku e hòmber sintá den e outo ku un arma di kandela den man. A konfiská e arma di kandela i a detené e sospechoso J.C.D.L.S. nasé na Repúblika Dominikano di 44 aña di edat. Tambe polis a konfiská e outo kolo pretu pa mas investigashon. A presentá e sospechoso dilanti un fiskal ouksiliar ku a ordená su enkarselamentu pendiente di mas investigashon.