Friday 17 November, 2017

Hòmber detené ku pistol, bala skèrpi i droga

Djasabra 15 di yüli 2017, alrededor di 19.20’or un patruya di e tim di mantenshon di òrden públiko Otrobanda a kontrolá un hòmber ku tabata aktua sopechoso den e área di Charo. Na momento ku tabata bai hasi e kòntròl aki, e sospechoso a trata di kore bai. Na e
momento ei polis a frustra su huida i a hasi un kòntròl rigoroso riba posishon di droga i arma. Durante di e kòntròl aki polis a haña i konfiská:

  • un arma di kandela (pistol)
  • munishon (13 bala skèrpi)
  • shete(7) saku ku mariwana
  • ocho(8) saku ku hash

En konekshon ku esaki a detené e sospechoso aki, R.A.L.C., nasé na Kòrsou, 21 aña di edat. A presentá e sospechoso dilanti di un Fiskal Ouksiliar ku a ordená su enkarselashon pa mas investigashon