Tuesday 20 February, 2018

Karnaval Hubenil 2018 tabata kolorido

Ayera mèrdia nos muchanan a selebrá nan Marcha Hubenil, kaminda un total di 13 grupo a partisipá. E marcha a kuminsá ku algun minüt di tardansa pa motibu di e yobida ku a presentá i nos muchanan mester a skonde un ratu, pero despues solo a sali i e marcha por a sigui si rumbo ku hopi ambiente i kolo.

E temporada ta hopi kòrtiku pero e gruponan a sa di pone arte riba kaya ku nos muchanan. Spera ku den futuro nos marcha hubenil por krese i bira mas grandi na grupo i kantidat di partisipante. Riba e fotonan por apresiá momentu di konteo dor di nos Minister sra. Marylin Alcala – Walle, Pastor Curtis Meris, embahadornan Hubenil i Fundashon J.A.G. pa apertura di e marcha i algun di e gruponan.