Saturday 26 May, 2018

Kontròl di prevenshon den bario di Brievengat: a kontrolá 26 persona

Djasabra 12 mei 2018 , personal di Tim di Mantenshon di òrden Públiko a tene kontròl di prevenshon/general den e bario di Brievengat. E kontròl a tuma lugá entre 19.20 or pa 22.15 or. E unidatnan a kontrolá un total di 5 vehíkulo, 26 persona i a detené kuater (4) persona.

Riba Kaya Paul de Lima a detené dos persona maskulino pa opstrukshon di trabou di polis. Ta trata di:

  • R.C.D.J. di 32 aña di edat i
  • N.C.C. di 14 aña di edat.

Riba Kaminda Andruw Jones a detené un hòmber pa violashon di e Lei di Opio. Ta trata di:

  • R.R.O. di 56 aña di edat. A konfiská un saku ku ta kontené mariwana.

Riba Kolonelsweg a detené otro hòmber pa violashon di e Lei di Opio. Ta trata di:

  • B.R.L.P. di 34 aña di edat. Polis a konfiská tres saku ku ta kontené mariwana i un pida hash.

A presentá e sospechosonan dilanti un Fiskal Ouksiliar. E kontròlnan aki ta kontinuá.