Tuesday 17 July, 2018

Ladronnan no a tene kuenta ku Orkan Mateo: Detenshon relashoná ku kiebro

Djabièrnè 30 di sèptèmber 2016 alrededor di 05.40 or,

Sentral di Polis a dirigí un patruya na un establesimentu elektróniko riba Jan Noorduynweg kaminda tin ladron den e establesimentu. Na yegada di e patruya a resultá ku algu promé tres (3) tipo lo mester a kore bai na pia for di e sitio den direkshon di Juan Domingo. For di un investigashon ku polis a realisá na e sitio nan a konstatá ku e dak i plafòn di e esta establesimentu tabata kibra. Polis a hasi un investigashon den e bario di Juan Domingo i bisindario, i bahando e seru di Souax direkshon di rotònde Zegu polis a mira un outo blanku lorando e rotònde riba velosidat haltu direkshon di Banda Bou. En konekshon ku esaki polis a sigui e outo aki i a mira kon e outo a paga su lusnan i kore drenta den kura di un kas na Souax. Polis a kore subi e tereno i a nota dos hòmber, un shofùr kual a baha kore bai ora e la mira e patruya i un hòmber para pafó di e outo. Polis a bai kontrolá den e outo i a haña 4 “flatscreen” den nan kaha, 2 parti patras i 2 den baul di e outo probablemente prosedente di ladronisia. En konekshon ku esaki polis a detené e hòmber S.Y.S.L. nasé na Kòrsou di 25 aña di edat ku tabata para pafó di e outo komo sospechoso di kiebro/ladronisia. Polis a konfiská e outo i e kuater (4) “flatscreen” nan pa mas investigashon. A presentá S.Y.S.L. dilanti di un fiskal ouksiliar ku a ordená su enkarselamentu, pendiente di mas investigashon.