Tuesday 17 July, 2018

Ladronnan a probechá di e situashon di wer pa akshoná

Djabièrnè 30 di sèptèmber 2016 alrededor di 04.55 or,

Sentral di Polis a haña informashon ku probablemente un kiebro ta tumando lugá den un establesimentu na Brakkaput Ariba. E patruya ku tabata dirigiendo su mes pa e sitio a nota riba Kaminda Broedernan di Brakapoti un pikòp kòrá ku basta artíkulo den su baki. E patruya Polis a kuminsá ku un persiguishon mes ora tras di e pikòp aki i a logra para esaki riba Kaminda Broedernan di Brakapoti na altura di entrada di Jan Sofat. Dos (2) di e okupantenan a baha for di e vehíkulo i hui bai na pia i polis a logra detené e tres (3) personanan ku a keda den e pikòp. Den baki di e pikòp polis a haña i konfiská un frishidèr ku kontenido i tambe bibida alkohóliko probablemente prosedente di e kiebro. Polis a konfiská e pikòp i tur e artíkulonan pa mas investigashon. E tres sospechosonan ku a keda detené ta; E hòmber R.J.V. nasé na Kòrsou di 40 aña di edat i tambe dos menor di edat kual ta C.M.V. nasé na Kòrsou di 15 aña di edat i C.V. nasé na Kòrsou di 14 aña di edat. A presentá tur tres e sospechosonan dilanti di un fiskal ouksiliar ku a ordená nan enkarselamentu, pendiente di mas investigashon