Monday 25 June, 2018

Mama ta yega kas topa su yu muhé poniendo fin na su bida

Un caso tristo y cu sigur a shock e comunidad ta e sucedido cu a pasa diamars atardi na Sabana Basora mama ta yega cas y ta haya su yiu muhe di 14 aña ta purba pone fin na su bida usando un cabuya. E mama na grito ta bay na bisiña pidiendo ayudo y a drenta accion pa corta e cabuya.

Manera cu a informa ambulans, Hefe di Ambulans cu tabata cerca a yega rapidamente pa brinda ayudo. A cuminsa cu reanimacion mientras mas ambulans tabata na caminda. Polis y recherche a yega y a topa cu e mayor y e yiu. Cu urgencia ambulans a bay cu e mucha muhe pa hospital pa atencion medico. Despues departamento forensico, recherche y polisnan a bay na e cas unda e caso a tuma lugar. Mientras e mucha ta den condicion critico na hospital.

Den oranan di atardi dokter ta constata morto di e mucha muhe di 14 aña. Un caso tristo. Paz na su alma y palabra di profundo condolencia na famia. 

Download nos App grátis i lesa notisia mas lihé >  Android: http://bit.ly/GetLoopABC | iOS: http://bit.ly/GetiLoopABC