Saturday 23 September, 2017

MCB ta sera brènch na Freezone despues di kasi 30 aña

Despues di kasi 30 aña di servisio na Freezone, entrante djabièrnè 21 di yüli awor, Maduro & Curiel’s Bank ta sera su brènch na Freezone – Nieuwe Haven. Nos ta sigui ofresé nos klientenan, inkluso esnan ku ta hasi uso di nos Freezone Branch, nos servisionan di Bankomatiko, Night Depository i nos servisionan ekstenso na e brènchnan mas serka manera: Saliña, Lio Capriles Banking Center na Rooi Catootje i Rio Canario Branch òf na kualke un di nos otro brènchnan ku e kliente ta preferá bishitá. Defakto, nos lo sigui ofresé un servisio ekstraordinario na tur nos klientenan.

Nos koleganan na e brènch aki ya tin nan lokalidat nobo di trabou na un di nos otro brènchnan, pa nan sigui duna e bon servisio ku nos klientenan a kustumbrá kuné di nan. Naturalmente nos ta sigui ofresé i mehorá nos servisionan di MCB Online Banking. Nos ta probechá di e oportunidat aki di anunsiá renobashon di nos brènch na Saliña entrante 2018, pa sigui sirbi nos klientenan den área di Saliña.