Saturday 23 September, 2017

MEO ta konfirmá 22.000 kilo di karni kaduká na Dricoma

Aki a konstatá piská, krokèt, galiña, karni i batata ku fecha di vensemente ku ta kore di 2008 pa 2013.

Aki a konstatá piská, krokèt, galiña, karni i batata ku fecha di vensemente ku ta kore di 2008 pa 2013.

MEO i tim multidisiplinario tabata aktivo djabièrnè 19 di mei. Durante e kontròl aki a bishitá entre otro Dricoma situá na Amerikanenkamp. Aki a konstatá piská, krokèt, galiña, karni i batata ku fecha di vensemente ku ta kore di 2008 pa 2013. Banda di e produktonan ariba menshoná a konfiská un palèt di yògert ku a vense na aña 2013, 22.000 kilo di karni dudoso ku lo ser kontrolá dor di servisio veterinario.

Na EWT na Bombardiersweg tambe a sostené un kontròl. Aki a konfiská algun keshi ku tabata mustra dudoso. Mirando ku keshi tin su proseso, un profeshonal di GMN lo hasi su investigashon pa ku esaki i lo duna nan resultado. Mas aleu no a konstatá nada dudoso òf ku no ta kuadra ku lei na EWT. E tim multidisplinario a bishitá tambe un minimarket na Andres Belloweg. Aki a sera e minimarket pa inkumplimentu ku algun preis di e 22 produktonan den makutu básiko pa di kuater bia.

E kontrolnan di MEO i tim multidisiplinario ta kontinuá.