Monday 25 June, 2018

Morto den tráfiko awe mardugá na Montaña

Djabièrnè 9 mart 2018, alrededor di 01.18 or sentral di polis a haña notifikashon ku riba Cocolodeweg na altura di Kaminda Jose Antonia, un aksidente di tráfiko a tuma lugá entre dos (2)vehíkulo. Na yegada di e patruya polisial nan a bin topa ku un hòmber den un di e outonan, ku no tabata duna señal di bida.

For di un investigashon preliminar ku polis a realisá na e sitio a resultá ku e shofùr di e outo (1) ‘Kia Cerato’ tabata koriendo riba e kaminda ariba menshoná biniendo for direkshon di Fuik. Dado momento e shofùr aki a kuminsa kore na su man robes, konsekuentemente a bai dal ku su vehíkulo na e banda robes di e vehíkulo (2) ‘Kia Sportage’ ku tabata biniendo for di direkshon di Roi Santu. Dor di e impakto aki e shofùr di e ‘Kia Sportage’, e hòmber Marcel Reginald Walle, nasé na Kòrsou 10 yüli 1956, a fayesé na e sitio di aksidente. Alrededor di 02.37 or, dòkter di polis a konstatá morto di víktima aki.

Riba òrdu di Fiskal di Ministerio Públiko a konfiská e kurpa sin bida di e víktima pa mas investigashon.

Siguiendo ku e investigashon a resultá ku e shofùr ku a okashoná e aksidente tabata bou di influensia di alkohòl. E shofùr aki tabatin algun herida na su frenta. Ambulans a presentá na e sitio i a duna e shofùr tratamentu médiko. Despues di tratamentu, polis a detené e shofùr, e hòmber A.H.J.M.O. nasé na Hulanda di 64 aña di edat. A presentá e sospechoso dilanti un Fiskal Ouksiliar ku a ordená su enkaselashon pendiente mas investigashon.

Departamento di Tráfiko ta kontinuá ku e investigashon. Download nos App grátis i lesa notisia mas lihé >  Android: http://bit.ly/GetLoopABC | iOS: http://bit.ly/GetiLoopABC