Friday 17 November, 2017

Notisia Polisial Boneiru: Kas na kandela na Kaya Karanjito

Diferente kaso polisial na Boneiru.

Diferente kaso polisial na Boneiru.

Riba djaluna 15 di mei un aksidente ku un bròmer a tuma lugá. E shofùr a pèrdè kontrol den un bògt i a kai. A konsekuensia di e kaida ela haña un kap i ku ambulans a transporte pa hospital pa tratamentu médiko. E dia siguiente, djamars 16 di mei, a drenta keho di ladronisia di un bateria di outo i un radio di outo for di un outo. E outo tabata stashoná den un garashi situá na Kaya Carmen. E ladronisia a tuma lugá entre djaluna 15 di mei, alrededor di 8 or di anochi i djamars 16 di mei, alrededor di 3 or di atardi. Mas lat riba e mesun dia sentral di polis a risibí notifikashon di kandela den un kas situá na Kaya Karanjito. A resultá ku un kas ku nan ta bai basha abou tabata na kandela. Brantwer a paga e kandela i no tabatin herido.