Oustraliano ta kibra rekòrt di mas tantu lus den palu di Pasku

Un oustraliano a kibra e rekòrt di e palu artifisial di Pasku ku mas tantu lus, despues ku e la sende un palu den e kapital di Oustralia, Canberra.

E palu ta iluminá ku 518,838 lus. Guinness World Records a konfirmá djabièrnè ku  David Richards a kibra e rekòrt ku Universial Studios na Hapon tabata tin durante 5 aña. E palu di Universal Studios tabata tin un palu di 36 meter 374,280 lus na komienso di novèmber.

Richards, un abogado i empresario, a krea un grupo di boluntario, inkluyendo un elektrisista, ingeniero, karpinté i vários otro eksperto mas pa yuda instalá e palu di 22 meter.

Na 2002, e oustraliano i su kasa a pèrdè nan yu di un luna dor di un síndrome ku ta afektá beibinan resien nasi. E pareha ta konosí di organisá eventonan ekstrabagante nan di Pasku pa rekoudá fondo pa e organisashon na Canberra, Sudden Infant Death Syndrome.