Tuesday 17 July, 2018

Outoridatnan ta topa ku mas kurpa sin bida di balseronan Venezolano

For di ayera mainta outoridatnan a monta un buska ekstensivo riba vlakte na St. Joris i besindario enbuska di otro nóufragonan ku lo por a drif yega kosta. Manera ya anteriormente raportá, tin indikashon fuerte ku lo tin mas di e balseronan venezolano ku lo por por drif yega kosta di Kòrsou. Awe mainta, outoridatnan ta topa ku un kadaver realmente un bista hororoso i ta mustra ku laman i kisas animalnan ya kaba a poderá di e kurpa ku tur konsekuensia ku esaki tin kuné. Nos lo ‘update’ e notisia aki un djis.

UPDATE: Djábièrnè 12 yanüari 2018 den oranan di mainta a haña un kurpa mas sin bida den e área di Koral Tabak. Kontinuando ku e investigashon di e kaso kaminda a haña kuater(4) kurpa sin bida den e área di Koral tabak(komunikado 019/2018), awe alrededor di 07.47 or a haña un kurpa mas sin bida di un hende hòmber na mesun sitio kantu di awa manera a hañe e kurpanan sin bida e dia anterior. Riba òrdu di Fiskal di Ministerio Públiko a konfiská e kurpa sin bida pa mas investigashon. Ayera den dia a logra identifiká e kuater(4) kurpanan promé. E prosedura ku ta mantené na dje ta ku ta notifiká famia via e kanal(nan) legal i ofishal promé i despues di esei por hasi e identidat(nan)di e víktimanan públiko. E kurpa sin bida number sinku(5) no a keda identifiká ainda. E investigashon den e kaso aki ta kontinuá.