Sunday 23 July, 2017

Paga Bo But: OM huntu ku Kuerpo Polisial durante kontrol di trafiko

Awe funshonarionan di Ministerio Publiko (OM) i Ofisina di Paga Bo But tabata huntu ku KPC durante un kontrol di trafiko riba Schottegatweg West.  OM, durante e kontrol, a atende ku 24 shofur di vehikulo ku tabata tin but habrí. Na Ofisina di Paga Bo But  a atende ku 150 persona ku a bin paga nan but of drenta un areglo di pago. Na tur a kibra mas o menos 15.000 florin. Ministerio Publiko ta invita esnan ku but habrí pa akudi na e ofisina riba Waaigat (pariba di Curoil) pa kumpli ku nan pago. Evita molester i paga bo but !