Saturday 26 May, 2018

Parke Nashonal Shete Boka e di tres mihó atrakshon den Karibe

E tim di Parke Nashonal Shete Boka ta presentá ku orguyo e di tres posishon den e lista pa mihó atrakshon di Karibe di 10best.com. Un grupo di èkspernan a skohe 20 atrakshon pa nominashon huntu ku redaktornan di 10best. E públiko por a vota pa su atrakshon faborito, i for di esaki Shete Boka a bini na e di tres posishon.

Na mesun momentu fundashon CARMABI, ku ta kuida e parke nashonal, a bin ku e anunsio ku nan a asesiná diferente kos den e parke. BAM GROUP NV a duna e mehorashon, manera su promesa di duna naturalesa i komunidat un kos bèk.

E kayanan ta asesiná i e plataforma di Boka Pistol ta kompletamente transformá. Tambe nan a haña un kas pa wardador movibel na e lugá di parker. Aworakí bishitante por gosa e lugá di mas espektakular, Boka Pistol, bou di un dak. Bo tambe por sosegá trankil riba e banki nobo den sombra. Un lugá perfekto pa hasi bo pòrtrèt di e spùit di awa fabuloso. Awor aki bo tambe por bai Boka Pistol ku outo atrobe dor ku e kaya ta renová.

Ku e renovashonnan aki Paul Stokkermans, direktor di fundashon CARMABI, ke pone su atenshon riba e segundo kompetishon pa mihó atrakshon. “E renovashonnan ta hasí den kooperashon ku BAM i nos ta hopi kontentu ku esaki. Nos tambe ta kontentu ku e atenshon internashonal ku Parke Nashonal Shete Boka ta haña. Naturalmente, otro biaha nos ke bira number 1 riba e lista i pa lográ esaki nos atenshon ta riba e kuidamentu di e parke bunita pa tur hende ku ke bishitá i biba na Kòrsou. Mi ta spera ku e nominashon ta motivá nos personal, voluntarionan i tur otro hende na Kòrsou pa traha pa logra e mihó.” Manera señor Stokkermans a bisa.