Sunday 23 July, 2017

PIN, FOL/PAN i Kousá Promé ta bai elekshon dia 28 di April

Wikènt tras di lomba partidonan ku no tabata tin representashon den Staten mester a partisipá na pre-elekshon i risibí un total di 792 voto pa por pasa pa elekshon dia 28 di April próksimo. Partido ku a ‘pasa’ pre-elekshon ta Inovashon Nashonal (PIN) di Suzy Camelia-Römer (2660 voto), e kombinashon di Frente Obrero/PAN di Anthony Godett/ Amado Rojer (1124 voto) i finalmente Movementu Kousá Promé di René Rosalia (1218 voto).

Esnan ku no a haña sufisiente sosten ta Partido Democraat ku a haña 603 voto, Movementu PUSH Kòrsou a haña 501 voto i partido Liberashon Klásiko Komunidat di Kòrsou a haña 113 voto. Un total di 6219 hende a bai vota; di kual tabata tin 60 voto no- bálido i 5 voto blanko.