Tuesday 20 February, 2018

Polis a detené 22 persona pa posishon di droga durante Teener Parade

Resúmen di aktividatnan polisial durante Parada di Karnaval Tiner 2018. Durante di e operashonnan aki Kuerpo Polisial Kòrsou, VKC(Vrijwilligers Korps Curacao i Curmil(Curaçaosche Militie) a traha huntu pa loke ta òrden públiko, seguridat general i seguridat di tráfiko. Kòntròl di e Departamento di pèrmit di Kuerpo Polisial: E Departamento di pèrmit di Kuerpo Polisial huntu ku MEO, GMN i Brantwer a tene kòntròl na 61 establesimentu di ‘horeca’, 53 lugá kaminda e hendenan ta para bende kos i 12 persona ku ta kana bende kos riba kaminda públiko. Total a sera 10 establesimentu.

GMN:
· falta di higiena
· Karchi kür


Brantwer:
· Pa motibu ku e establesimentu no tabatin lus pa emergensia
· Aparato pa paga kandela no ta na òrdu

MEO:
· Atvertensia pa indikashon di preis i a konfiská:
1. Salada dañá
2. Porkchòp dañá
3. Galiña dañá
4. Bòter di wiski pa motibu ku nan pèrmit no ta pèrmití pa bende wiski

Kontrol preventivo:
Outoridatnan a hasi kòntròl preventivo riba 110 persona riba e ruta di karnaval.

Detenshon: Outoridatnan a hasi trintidos(32) detenshon.
· Polis a detené bintidos(22) persona pa posishon di droga
· Polis a detené un(1) hòmber pa menasa
· Polis a detené dos(2) hòmber (shofùr) di vehíkulo pa motibu ku nan dokumentonan no tabata na òrdu
· Polis a detené dos(2) hòmber Dominikano pa motibu ku nan no tabatin e dokumentonan nesesario pa permanesé riba nos isla
· Polis a detené un(1) hòmber pa posishon di un sambèchi i pa no sigui òrdu di polis
· Polis a detené un(1) hòmber pa burachería públiko
· Polis a detené tres(3) persona pa motibu ku nan no por a presentá un identifikashon bálido.

Vehíkulonan ku a falta ku regla:
A transportá un kantidat di 8 vehíkulo ku tabata mal pará òf ku tabata opstakulisá tráfiko na
diferente sitio riba e ruta. Esaki ta trese un situashon di peliger espesialmente ora e
instansianan ku tin ku duna asistensia urgente tin ku pasa bai. A tou e vehíkulonan aki ku
kran. Despues ku shofùr di e vehíkulonan aki a paga e kran partikular, nan por a bai ku nan
vehíkulo. Doño/shofùr di 7 vehíkulo a presentá pa tuma nan propiedat despues ku nan a
paga e kran partikular.Un(1) vehíkulo a bai kurá.

Otro Kaso:
· Bum a kai riba un hòmber i a lastimé na su kabes. Ambulans a transporté pa
poliklínika di SEHOS pa tratamentu médiko.
· Deskonosínan a destruí material di sera kaminda na Georgiaweg/Jan Noordynweg
· Bringamentu na Weg naar Welgelegen