Sunday 23 July, 2017

Preview di Kooyman Megastore na Jan Noorduynweg

Durante un Preview Party festivo, kliente i partnernan di Kooyman por a sera konosí ku e Megastore nobo ku ta den konstrukshon na Jan Noorduynweg. Tin basta kos pa hasi ahinda, pero e pakus lo habrí su portanan segun planía promé ku fin di 2017.

Mihó aksesibel
“Ku un di dos Megastore, nos lo por atendé nos klientenan ainda mas mihó”, segun señor Herbert van der Woude, CEO di Kooyman. E ta sigi splika, “ku e pakus akí nos lo ta mas aksesibel tambe, sigur pa parti wèst di Kòrsou. Nos ke pa nos klientenan na e parti aki tambe por hasi tur nan kompranan na un lugá so. Nos pakus aktual na Churchillweg no por ofrese e posibilidat aki i pa e motibu aki nos a disidí pa un lokalidat nobo i sentral den Santa Maria.

Set up di Pakus i Drive Thru nobo
E Megastore nobo lo bira kua grandura komparabel ku esun na Zeelandia, ku no ménos ku 4600m2 na espasio den pakus. E Drive Thru tin un superfisíe ku tres rei di 300 meter ku ta hasi ku klientenan por kore pasa mas fásil i lihé den nan. Esaki ta laga nos klientenan gana tempu i ta duna nan tambe hopi komodidat, algu ku lo ta di gran benefisio pa nos kontratistanan. Tambe tin mas ku mas 200 lugá di parker pa kliente.

Surtido i servisio
Kooyman na Jan Noorduynweg lo ofresé klientenan e mesun departamentunan i servisio manera kustumbra. “E fórmula di nos pakus lo fasilitá nos klientenan na Jan Noorduynweg ya ku nos ta mantené e mesun fórmula ku Zeelandia. Naturalmente nos a kambia aki i aya algun kos pero nos klientenan lo risibí e mesun surtido di produktonan, servisionan i aun mas importante e eksperiensha ku nan a kustumbra di nos, “señor Herbert van der Woude ta klousurá. Albo Caribbean huntu ku e Remco Ruimtebouw (provedor di stal) ta konstruí e Megastore nobo ku lo wòrdu habrí di manera festivo fin di 2017. Pa update di e konstrukshon bo por bishitá Facebook òf e página di internèt di Kooyman.