Saturday 27 May, 2017

Promé nèshi di turtuga di laman di 2017 ta trahá

Sea Turtle Conservation Bonaire (STCB) ku entusiasmo ta partisipá ku temporada di brui 2017 a kuminsá!

Sea Turtle Conservation Bonaire (STCB) ku entusiasmo ta partisipá ku temporada di brui 2017 a kuminsá!

E temporada di brui di e aña akí a kuminsá riba kumpleaño di Rei Willem-Alexander’s, ku trahamentu di e promé nèshi di kawama na Klein Bonaire. Durante e temporada di brui, ku normalmente ta kore di aprel pa yanüari, STCB su staf ku boluntarionan entrená ta patruyá e playanan ku turtuganan ta usa mas tantu, tumando nota di señalnan di trahamentu di nèshi i bruimentu, i tambe vigilando e status sigur di e nèshinan. E organisashon ta invitá tambe siudadanonan di Boneiru i turistanan pa tuma parti na un patruya di vigilá nèshi di turtuga di laman na Klein Bonaire. STCB su Kordinadó di Proyekto Dr. Sue Willis ta klarifiká: ‘’Nos lo hiba bo Klein Bonaire. Aya lo bo kana na kantu di e playa di 2 kilometer huntu ku e ekspertonan di STCB buskando spor di turtuga, tantu di turtuga muhé adulto komo di yu di turtuga resien nasí.’’ STCB ta organisá patruya di vigilá nèshi na Klein Bonaire kada djaluna, djárason i djabièrnè mainta.
 
Kompanianan lokal tambe por yuda STCB protehá e nèshinan di turtuga ku ta traha riba e playanan di Boneiru dor di adoptá un nèshi. Kompanianan por Adoptá-un-Nèshi, i di e manera akí lenk nan marka na protekshon di Boneiru su kriatura di naturalesa mas simbóliko hasiendo donashon di $600. E fondo ku Adoptá-un-Nèshi ta rekoudá ta yuda STCB den aktividat di duna nèshi ku ta kore peliger di hoga un otro sitio, pa salba turtuga resien nasí ku ta pega den bòshi di rais ora ku nan kaba sali di webu, pa sostené e programa popular di Vigilante di Playa i pa kolektá dato ku ta lo yuda STCB pa protehá nèshi di turtuga mihó, i tambe desvelá e status di salú di e turtuganan di laman di Boneiru.
 
Den kaso ku bo lo ke djòin STCB den un patruya, òf ku bo ta interesá den adoptá un nèshi, por fabor tuma kontakto ku STCB su Empleado di Komunikashon i Rekoudashon di Fondo Kaj Schut na cepa@bonaireturtles.org.