Monday 18 December, 2017

A sera pòmp di gasolin den Punda, pa evitá lo peor

Awe mainta tim di kontrol/ multi disiplinario konsistiendo di departamento di gobièrnu, polis i brantwer a bai den Punda despues ku hopi reklamo a drenta ku nèt pariba, pegá ku e pòmp di gasolin tin un snèk ku a habri ku ta grill. E problema di esaki ta ku e grill ta na rant di ta pafó dje lugá i huma ku bai bini ku bientu i mirando ku e tankinan pa yena gasolin ku e trùk ta asina serka ku esaki ta krea un peliger inmenso.

E lugá pa kolmo no tin pèrmit reglá pa grill i esaki a buta ku outoridatnan mester a but’e para ku tur e kushinamentu di grill pa asina e pidi su papelnan i pa wak si e ta haña pèrmit pa hasi grill mirando kon ku bai bini e area pariba dje pòmp ta peligroso pa ku esaki.

Ora bomberonan a bai kontrolá e pòmp, tabatin holó hopi stèrki ta sali for di e instalashon nan paden i mesora a sera esaki pa evitá kualke problema manera ku a pasa na Santa Helena kaminda un dama a fayesé.