Monday 18 December, 2017

Sindikatonan poniendo preshon: káos!

Tantu na kaminda Don Martina i na Pòst 5 a detené vários hende despues ku nan a opstakulisá tráfiko. Na Pòst 5 a detené e lider sindikal di STO, De Caster pa stroba òrdu públiko. E wèlga a kontinuá na diferente sitio stratégiko ku diferente blokeo. Sindikatonan ta poniendo preshon despues ku gobièrnu a pidi nan mas tempu pa diálogo i pa atendé e petishonnan den tur seriedat.

Tabata tin diferente blokeo awe, ademas di e situashon kaótiko aki krannan ku normalmente ta traha ku polis a indiká di no ta traha ku polis pa motibu di un malkontentu einan tambe. Pues mester warda te momentu ku kran di polis ta disponibel pa aliviá e situashon.