Monday 18 December, 2017

Sindikatonan ta yama trahadónan di Kòrsou pa manifesta mañan mainta

Sindikatonan ta yama tur trahadó di Kòrsou pa un akshon sindikal popular mañan mainta 7’or na Alameda den Punda. Cova ta indiká di ya kaba ta na altura di kontenido di un karta ku gobièrnu lo ta preparando i por adelantá ku e kontenido aki lo no ta satisfaktorio pa e sindikatonan ku a uni durante dia di awe pa buta preshon pa akshonnan di gobièrnu.

Cova a kontinuá bisando ku e ta sugirí pa no manda yunan skol durante dia di mañan. Tambe e ta hasi un petishon na tur manifestante pa mañan hasi esaki den forma ordená i pasífiko. Rònt mundu, ta manifestá den kurason di gobernashon, i na Kòrsou esei ta Alameda, Punda.

Ta konsiente ku e diferente blokeonan durante dia di awe a kousa algun inkietut i inkumbiniensia. Pero Cova ta indiká ku esakinan tabata nesesario pa mustra gobièrnu ku ta atendiendo e manifestashon/ wèlga ku seriedat i di akuerdo ku lei.