Sunday 23 July, 2017

A skors detenshon di E.R.C bou di kondishon den kaso “Valencia”

Wes-komisario (RC) a prolongá awe, djabièrnè 14 di yüli 2017, e kustodia (bewaring) di sra. E.R.C. pero mesora a skors su detenshon bou di sierto kondishon.  C. ta sospechoso den e kaso “Valencia” ku ta un investigashon relashoná ku korupshon atministrativo ku pèrmit di estadia na Toelatingsorganisatie (TO). E kondishonnan pa su skorsing ta entre otro ku e no mag drenta edifisio di TO, no mag tin kontakto ku trahadornan di TO i/òf testigu den e investigashon i ku e tin ku tene su mes disponibel pa keda skuchá. E investigashon mientrastantu ta kontinuá.