Monday 18 December, 2017

TGO Berg Altena ta pidi pa testigunan di tiroteo mèldu nan mes

TGO (Team Grootschalige Opsporing) Berg Altena ku a keda establesé pa hasi e investigashon nesesario relashoná ku e tiroteo di djasabra 18 di mart 2017 i na unda kuater persona a bin pèrdè nan bida, ta trahando duru riba e kaso. Ministerio Públiko ta hasi su máksimo pa hiba e sospechosonan Korte. Pa esaki ta usa eksperensia di otro instansianan di investigashon den e TGO i a pidi mientrastantu yudansa forénsiko pa esaki. Pa un koperashon mas optimal posibel a konsentrá tur esnan envolví den e investigashon na un sitio, pa asina garantisá efektividat.

Testigunan di e tiroteo por mèldu nan mes via telefòn 917 òf anónimo via 108.
Banda di e investigashon di tiroteo ku kuater morto, ta intenshon di Ministerio Públiko pa inkorporá kapasidat di investigashon pa di e forma aki por hasí investigashon riba término largu i di forma struktural na e gruponan den nos komunidat ku ta responsabel pa violensia i krímen riba nos isla. Pa logra esaki a inisiá kombersashon ku vários partner den e kadena hudisial.     

UPDATE 03/04/17: Den fin di siman último outoridatnan a realisá e promé detenshon den e kaso di 4 asesinato na Berg Altena. Nos redakshon ta pendiente pa un informe ofisial di polis. Manera ya kaba anteriormente indiká, e team investigativo TGO Berg Altena ta trahando duru riba solushon di e kaso i ta pidi yudansa di pueblo den e proseso.