Saturday 27 May, 2017

TGO ta realisá 2 detenshon mas den kaso di asesinato na Berg Altena

E investigashon ta unu sumamente kompliká:

Un asesinato di 4 siudadano ku difísilmente Kòrsou lo por lubidá. Manera ta konosí, ya kaba anteriormente a detené 2 sospechoso, di kual un a keda lagá den libertat pa falta di sufisiente prueba. Na e momentunan aki tin 3 sospechoso detené. Informashon resien ta indiká ku e tim investigativo a realisá 2 detenshon mas den e kaso aki.  E investigashon ta unu sumamente kompliká; ta keda yama na komunidat pa tur hende ku tin informashon di e anochi di 18 di Mart 2016 pa yama linia anónimo di polis i asina yuda na resolvé e kaso aki.

NOTA: Testigunan por drenta den kontakto via telefòn 917 òf e liña anónimo via 108. Wowo i orea di siudadanonan ta esensial komo informashon adishonal pa kualkier investigashon di polis i OM.