Sunday 23 July, 2017

Tiramentu ku morto na La Famawijk

A haña un hòmber drumi abou ku herida di bala na e parti ariba di su kurpa i no tabata duna señal di bida.

A haña un hòmber drumi abou ku herida di bala na e parti ariba di su kurpa i no tabata duna señal di bida.

Djaweps 18 di mei 2017, alrededor di 01.47 or, Sentral di Polis a dirigí un patruya na La Famawijk pa un kaso di tiramentu. E patruya ku a yega na e sitio a haña un hòmber drumi abou ku herida di bala na e parti ariba di su kurpa i no tabata duna señal di bida.

Motibu di e tiroteo te na e momentunan aki ta deskonosí i ta den investigashon. Alrededor di 03.10 or dòkter di polis ku a presentá na e sitio a konstatá morto di e víktima. Polis a haña i konfiská un kantidat di ‘huls’ na e sitio. Nos ta publiká identidat di e víktima na momentu ku identifikashon ofisial tuma lugá. Riba òrdu di fiskal di Ministerio Públiko a konfiská e kurpa sin bida di e víktima pa mas investigashon. Polis ta supliká tur persona ku por tin informashon tokante di e kaso aki, pa tuma kontakto ku polis na 917 òf e liña anónimo 108.