Saturday 21 July, 2018

A topa hòmber den estado di deskomposishon na Shut

Djamars 15 di mei 2018, alrededor di 13.16 or, Sentral di Polis a risibí notifikashon ku na shoot a haña un kurpa sin bida. Na yegada di e patruya polisial na e sitio nan a topa ku kurpa di un hòmber den estado di deskomposishon. Te kaminda ku esaki tabata posibel i bou di e sirkumstansianan presente no por a konstatá señal di violensia na kurpa di e hòmber. Alrededor di 14.54 or dòkter di polis a konstatá morto di e hòmber. Riba òrdu di Fiskal di Ministerio Públiko a konfiská e kurpa sin bida di e hòmber pa mas investigashon pa determiná kousa di su morto.