Tuesday 17 July, 2018

Trènt 2016: Thigh High Boots

Manera nos mes por mira riba Internet rònt mundu aworakí tin e trènt nobo di e boots nan te riba rudia.

Na pais nan manera Hulanda i Merka otoño a drenta. I esei ta nifiká ku porfin nos hende muhé nan por kuminsá saka nan boots i vèst nan for di kashi.  Aunke ku for di temporada di verano  nos por a tuma nota ku e trènt nobo aki di e modèl nan di boots. Hopi pakus rònt mundu tin nan pa bende kaba i den tur tipo di modèl. Nos na Kòrsou aki por bisa ku ta hasi hopi kalor pa bisti e boots nan aki. Pero na Merka ku na Hulanda e trènt aki tabata ‘hot’ den verano tambe. E ta un look ku bo por skohe pa bisti anochi pa hasi bo outfit mas great.

E tipo di boots nan aki no ta algu di bisti lihe lihe sali kas kuné. Al kontrario nan por ta hopi elegante i nechi pa bo tin den bo kashi. Nan ta algu ku tur dama ku stima moda mester tin maske ta 1 par di Thigh high boot. Bo por kombiná nan ku kualke outfit, di mas stoer te pa esun di mas nechi.

Bo por kombin’é ku un saya kòrtiku òf un saya nèt bou di rudia, shòrt òf asta skinny jeans. Manera nos ta mira riba media sosial hopi di e artista nan konosí na Merka manera Beyonce, Rihanna, Kim, Kylie i sobra di e Kardashian nan ta bistie e. I nan ta bisti tur modèl i kolo. Kòrá, blou, maron, pretu, di felpa kueru, ku zip òf ku feter na tur sorto di kolo i modèl ku bo por imaginá bo ta haña nan.

Nan a bin ku e trènt tambe di bisti e thigh high boots ku un T-shirt grandi komo shimis. Kombin’é ku un saya kòrtiku òf un shimis di kualke modèl ku ta i laga un tiki di bo kueru sali sèksi asina. Tur dama ta bistiele na e manera ku nan ta sinti nan mes konfortabel kuné. E boots nan aki no ta pa nos dama nan flaku so pero asta esnan mas yen por rock e look aki.

E trènt aki ta algu ku no bai for di moda fásil. Tin asina tantu modèl di boots i estilo ku bo por bistiele. Òf ya mané nos mes a eksperensia ora e artista nan stòp di bistiele nos tambe lo stòp ku e trènt aki !!!