Tuesday 17 July, 2018

Turista víktima di aksidente di tráfiko a muri debí na leshon risibí

E Anochi di e aksidente...

E Anochi di e aksidente...

UPDATE: E víktima ku tabata envolví den e aksidente di tráfiko djamars 11 di aprel último (komunikado di prensa 160/2018) riba kaminda di Wèg naar Westpunt na haltura di st. Willibrordus a keda identifiká komo: e dama Aaltje Gerdiena Stoel- Strieker, nasé na Hulanda, 4 febrüari 1957.

Djárason 11 di aprel 2018 alrededor di 20.13 or, Sentral di Polis a dirigí un patruya pa Wèg naar Westpunt na haltura di st. Willibrordus pa un aksidente di tráfiko ku a tuma lugá ku herido.

For di un investigashon preliminar ku polis a hasi na e sitio, a sali na kla ku un outo(1) un ‘nissan versa’ tabata koriendo riba e kaminda Wèg naar Westpunt bayendo direkshon di Banda Bou (ku dos turista). Na altura di e kaminda ku ta bai St. Willibrordus e shofùr di e ‘nissan’ a bira na links pa drenta e kaminda aki nèt na momento ku un outo(2) un ‘BMW’ tabata aserkando (hopi serka), un choke tabata inevitabel.

E ‘BMW’ a dal den e outo ‘nissan’ aki ku na su turno a bira dal den un otro vehíkulo(3) (Jeep Cherokee) blanku ku tabata kore su tras. Dor di e impakto aki e ‘BMW’ a bòltu na e sitio di aksidente.

A konsekuensia di e aksidente aki tres persona a risibí leshon. Ambulans a transportá e víktimanan pa poliklínika di SEHOS pa tratamentu médiko pa e leshonnan ku nan a risibí.

Awe, djabièrnè 13 di aprel 2018, Polis a risibí informashon di St. Elisabeth Hospital, ku alredeor di 15.30 or, e okupante un dama(turista) ku tabata sintá den e outo nissan na banda drechi dilanti, a fayesé.

E prosedura ku ta mantené na dje ta, ku ta notifiká famia via e kanal(nan) legal i ofishal promé i despues di esei por hasi e identidat di e víktima públiko. Departamento di Tráfiko ta kontinuá ku e investigashon. 

Aki bou e video riba anochi di e aksidente grave aki, ku a bin resulta den morto di un dama turista. Download nos App grátis i lesa notisia mas lihé >  Android: http://bit.ly/GetLoopABC | iOS: http://bit.ly/GetiLoopABC