Monday 18 December, 2017

Zr. Ms. Zeeland ta para kargamentu di 600 kilo di kokaina

E Dash-9, e avion di patruyahe di Warda Costa di Caribe Hulandes, riba e anochi di 29 di òktober a detektá un ‘go fast’ sospechoso, nortost di Bonaire. E barco di marina Real, Zr. Ms. Zeeland, ku ya kaba tabata di regreso pa Hulanda, despues di a kumpli ku su término den Caribe, a risibí e mensahe di e Sentro di Koordinashon i Reskate (RCC) di Warda Costa di Caribe Hulandes na Kòrsou, riba e embarkashon sospechoso.


Pa es motibu ei tambe, Zeeland a kambia di rumbo i na e sitio ta topa ku un go-fast ku tres persona abordo. Di biaha Zr. Ms. Zeeland ta pone tantu e helikòpter NH-90 i ámbos interseptor den funshon. E helikòpter ta lansa tirunan di atvertensia riba e ‘go-fast’ pa asina forsa nan pa nan para. Pero e tres personanan abordo ta lansa nan karga den lama. Na último ta logra di para e ‘go-fast’, dor di e tira riba e motor . Durante un akshon di búskeda a bin topa un total di diesdos (12) bulto di kokaina, ku a wòrdu tirá na lama pa e okupantenan di e ‘go-fast’.


E tripulashon di e ‘go-fast’ a wordu detené i e pakinan di droga a wòrdu tuma den beslag. Loke a resta di e ‘go-fast’ no tabata tin balor mas, pa kual a bai over na zink esaki. Despues di esei e Zr. Ms. Zeeland a bai Kòrsou pa entrega tantu e sospechosonan komo e pakinan di droga na outoridatnan lokal. Zr. Ms. Zeeland a sigui su kurso rumbo Hulanda bek despues di e susedido aki.